رغبة خرساء

وقفت تنتظر الحافلة في نهار رمادي ماطر , حشرت نفسها وصعدت مع جموع المنتظرين,

الحركة المتقطعة للحافلة عثرت خطواتها اثقلها التجوال الطويل في السوق...تماسكت قليلا

بعد ان قذفت بالعملات المعدنية الى يد السائق..دخلت فبحثت بعينيها عن مكان لتجلس فما

وجدت, زمت شفتيها منزعجة..ناداها أحدهم وبشيء من الحذر : "لوسمحتي"؟..مستغربة

استقبلت لهجتها في وسط شارع أكسفورد استدارت ناحية الصوت التقت عينيهما بهتت

اللحظات غير مصدقة..ارتسمت علامات الدهشة على ملامحها... دون وعي

همست"مومعقول"!!

وهو .. حذراً بلع ريقة...يشبه ابتسامة نهض واقفاً نصف وقفة..أضاف وهو يشير الى

المقعد الشاغر بجانبه :إذا تحبين تقعدين,تفضلي"...همست هي لنفسها:"معقولة اشوفة

أهني؟؟" ودون تفكير منها استجابت لعرضة"المغري"وسمحت لنفسها بالجلوس... كان

نصار زميل الجامعة..عرفته جيدا تمنتة كثيرا..تلذذت بنظرات باهته نادرا ماكان يرميها

بها..حاولت استمالته بشتى الوسائل البريئة...كانت تراه يوميا..تصادفة في اروقة الكلية

لكنها عجزت حتى عن لفت نظره اليها..تحسة بعيدا عنها ومشغولا بامورة

الخاصة..استخدمت كل الطرق للوصول الى عالمة..التحقت بالعمل النقابي, انضمت الى

قائمته نددت بالقوائم المنافسة لأجله,سجلت في محاضرات بأوقات معينة كان د اختارها

حلمت بة لليال طويلة..الآن وفي بلاد الغرب الى جانبه جلست مذهولة وتساؤل فرض

نفسة:"هل يتذكرها"؟...مبتسما سأل" من متى انتي بلندن؟.... جاوبتة" من ثلاث اسابيع"

نقل بصره الى الشارع عبر الشباك تأملته خفية.... رددت بداخلها"نصار...ياأقرب

بعيد...اي مصادفة هذي اللي حذفتك علي.....الحافلة كانت توقفت بمحطات عديدة صعد

ونزل من نزل وجوة تغيرت واماكن فرغت من ركابها واصوات تفاوتت مستويات احاديثها

مابين همس وصراخ..وحدهما بقيا متجاورين

تجرأت أكثر طرحت موضوعا للحديث... " المطر وايد اليوم علشان جذي ركبت

بالمواصلات ولا انا تعودت امشي للفندق" بعد لحظات رد" و..وين تسكنين؟...ردت"نايتس

بريدج"قذفت قبل ان ينهي سؤاله.... طاف جوابها دون ان يترك أثرا فية..هكذا

شعرت...بلعت ضيقها وابتسمت بحرج...حملق عبر النافذة شارد الذهن,, حركت الاكياس

التي اصدرت صوتا بين يديها..تنبه, نظر اليها.. أكملت حديثها بفرح:" ييت مع الوالدة

واختي الكبيرة لانها بتتزوج عقب شهرين واصرت ان نجهز للعرس من

اهني:)...وانت؟ياي ابروحك؟"

تنهد واجاب بصوت لايخلو من من الأسى"لا موياي بروحي.. بس يمكن ارد بروحي:

(...الله العالم

لحظات من الصمت نظرت الية بإستفهام...صمت قليلا..أضاف وهو يركز نظرة إلى

الشارع عبر الشباك:" انا ياي مع زوجتي المريضة صارلها4شهورتعالج علاج كيميائي

دقيق اهني وحالتها الصحية كل يوم أسوأ من اللي قبلة وانا خايف افقدها..اذا فقدتها بفقد

روحي وعمري وحياتي كلها" دمعت عيناه بهدوء...حاول مداراه المة...لم يتمالك نفسة

فأجهش بالبكاء..وحين هدأ التفت ناحيتها فلم يجدها بجانبه!

بالهواء الطلق

هاااااااااي



شلونكم وشخباركم



اليوم رحت مع خالتي لمكان غريب عجيب مع انا طالعين من الصبح



بس قطيييعة على مالفينا الكويت كلها يالله لقينا اللي اهي شهادات الميلاد وتصحيح الاسماء والبدل الفاقد وتبعه...


وصلنا وصعدنا الانسانسير وطبعا مابقى ريال مادش يعني شفتوا فية هنود اثنينه شايلين

صحون جاي وحريم ويعة عمى بعينكم الا تدشووون؟

المهم بس وصلنا للدور وانا طالعة بغيت ازلق من قرادتي لابسة كعب يديد لوووووول فقعد

يتزحلق لوووول صار نصي داخل ونصي برا

المهم اول ماوصلت للدور ولاشنو هذا؟؟ فااااااااااااااضي وخرمسسس وموظفات ماكووو

وحدة بس بالويه وثنتين داخل ويخرعون مع انهم صغاار

المهم قالت نطروا شوي وجذي لان الكمبيوترات خربااانة!!! وزااارة شكبرها كمبيوتراتها

خرباانه؟؟ امبيييييييه لا شكي بمكانه المكان هذا مسكون والله

من دشيتة تذكرت المستوصف.. وقعدنا ننطر يمال الويعة هذي استراحتهم الغبراا

+
+
+
+
+
+
+

اللي يضحك انهم كاتبين على اكثر من جهه ممنوع التدخين وانا من دشيت وريحته الزقاير داشة بخشمي

لا ومديرهم ماهد زقارته من دشينا علية لوووول

المهم تلفت مني مناااك اشوف منظر يفتح النفس ويصبرني ليما يمشي الوقت لفيت ولا صوبي دريشة شكبرها

قلت يمكن فيها منظر حلو واخزز ولا شنووووووووو؟؟

+
+
+
+
+
+
+
+
+

شنو هالمناااظر وين الواحد يستااانس؟

المهم واطالعالصوب الثاني عل وعسى فية شي ماااكو اللهم هالمزيون بس احنا واهو قاعدين

وكل شوي انطالع بعض شبعنا خز اهو يخز وانا اخز لووووووول

+

+

+

+

من عذر يبااا مكان فااضي شينظف؟؟ لووووووووووووووول

وأخيرااا بعد رحلة البصبصه من الفراااغ جكيت شي جدامي طبعا اخر شي طاحت عيني عليه

+

+

+

+

لما دشت عليهم خالتي تقولهم ماصارت قالولها خلص الدوام تعالوا وقت ثااني!! بغيت امسك هالمكانس واكسرها على روسهم

ناس نااايمة !

إلى أغلى إنسانه بالدنيا...كل عام وأنتي بخير

السلااااام

اليوم البوست استثنائي...ويستاهل صراحة

باجر الموافق 21-3 هو تاريخ عيد الأم.... طبعا الام مالها عيد معين وهذي تسميات لكن اهو يوم مخصص

لتكريم هالام عشان يكون يومها ابروحها .. اليوم أخوي العود الله يخلية لناويطول بعمرة فاجأنا اهو مع عياله

بكيكة كبيره مكتوب عليها " كل عام وانتي بخير ياأمي الحبيبه" الوالدة الله يطول بعمرها ما قصرت بالدموع

وسط فرحتنا يمها.. خصوصا انه كان فية شوية عتاب بينهم....بس قلب الام يشيل الدنيا كلها...

ياجماعة والله جد أستغلوا هالفرصه افضوا هاليوم لأمهاتكم ترى الجنة تحت أقدام الامهات الحين بذمتكم

شنو بتخسرون لايبتوا لها كيكة بعد الكيك هالايام على افا من يشيل لوووووووول والله او عزمتها على عشا

او طلعتها ومشيتا مكان شفيها؟؟ والله العظيم قبل لاتونسها انت من داخل بتكون مستانس ومرتاااااااااااااح

لاتخلون الشغل والدنيا تلهيكم عن امهاتكم...

المهم شوفوا انا هالأغنية مع انها تيبلي شوية كآبه ومن اسمعها ابجي بس هذي

اول أغنية سمعتها عن الام وانا ياهل وحفظتها وغنيتها بالاذاعة ايام الابتدائي

وعطوني هدية لوووووول!!

http--www.hudahussain.com-audio-alom.ram

وأخيراااااا وليس آخراً شوفوا هالقصة

-------------------------

كان رجلاً غنيا يريد الزواج من أمر أه وكان لها ولد فرفضت الزواج منه و أصر ورفضت و أصر فأعرضت عنهفقام هذا الرجل -القذر- بأغراء أبن هذه الأمرأه بالمال الوفير و الجاه و التقريب و المنصبمقابل-قلب أمه-ووافق هذا الابن العاق الفاجر الذي لم يملك في قلبه مثقال ذرة من رحمة وافق على أن يقتل أمة و يستخرج قلبها ليعطيه لهذا الرجل مقابل ما وعده إياه.فبينما الأم نائمة إذ دخل عليها هذا العاق ممسكناً سكينه فغرسها غرسه واحده في جسم أمه الطاهر الشريف.أدخل يده القذرة في صدرها و أخذ يمزق جسدها ليصل إلى القلب و أنتزعه وقد انتزع الله منه كل معاني الرحمات و النور من قلبه فهو اسود كالليل قاس الصخر وأخذ القلب وركض نحو ذاك الرجل ليسلمه أياه وفي الطريق وقع الأبن فنطق قلب الأم أبني هل أصبت بضرر فنظم أحد الشعراء قصيدة -لا اذكر اسم الشاعر- هذه هي اغرى امرؤ يوما غرا ما جاهلا ... بنقوده حتى ينال منه الوطرقال ائتني بفؤاد امك يافتى ... ولك الدراهم والجواهر والدررفمضى واغمد خنجرا في صدرها ... والقلب اخرجه وعاد على الاثر لكنه من فرط سرعته هوى... فتدحرج القلب المعفر اذ عثرناداه قلب الام وهو معفر ... ولدي حبيبي..هل اصابك من ضررفكان هذا الصوت رغم حنوه ...غضب السماء به على الولد انهمر... فاستل خنجره ليطعن نفسه ويبقى عبرة ابد الدهر..... ناداه قلب الام....كف يدا...ولات طعن فؤادي مرتين على الاثر

----------------------------------------------

وسامحوني عالإطاله وكل عام وامهاتنا بألف خير يااااارب

هل تعلم..؟؟! وإلا ماتعلم؟؟

شلونكم وشخباركم؟

أدري لوعت جبدكم هاليومين علمية وايد وادبية شوي

بس لقيت جم معلومة تفيدكم مثل مافادتني وقيمة واايد

شوفوا معاااي :

8

8

8

8

8

8

هل تعلم؟

الإبتسامه

هي الاشارة الوحيده التي لا يشترك فيها الإنسان مع الحيوان!

فإظهار الاسنان عند معظم الحيوانات يعتبر عملا عدوانيا..

الحمامة

في الحرب العالمية الأولى منحت حمامة وساما لإنها كانت تحمل الرسائل

الهامة عبر النار في فرنسا!

الطاووس

ان الطاووس رغم جماله الاخاذ يمكنه ان يطلق صرخات فظيعة تشبه صرخات الإنسان ويمكن سماعها على مسافات

بعيده في الليل حتى انها كانت تفسر في الماضي على أنها صرخات أشباح!

بوتفخه!!

هل تعلم ان حجاب بوتفخة مسبب أزمة في الشارع الكويتي؟..مما سبب ازمات وتراكمات

نفسية ومرورية ..ولذلك اطلقت تلك الحمله في العديد من المنتديات ومن البنات نفسهم!! سبحان الله

جـمـل مـضـيـئـه...

لاخير في ود امرئ متلون..
إذا الريح مالت مال حيث تميل

::

المهدئات عمرها قصير , لكن
حسن التعامل والرقي واحترام
الأخرين يدوم للأبد

::

إذا لم تكن تمتلك الجرأه الكافية لإتخاذ
قرار ما تراه مناسبا, فالابتعاد أفضل
وإلا فعلى الدنيا السلام..

____________________


ومني لكم والسلام عليكم ورحمة الله وبركاته:)

اليوم...إحــبــاط !!

هااااااااي

::

::

شلونكم...جد مانطرت هاليوم الغريب العجيب ايمر بدون مااقولكم تفاصيلة حار بحار لووووووول

أمس اتصل فيني اخوي وقالي روحي لديوان الخدمة ياااعل مااكو ديوان خدمة...وغيري الرغبات

انا ماادري شفيني او شنو اللي صرقعني ماادري المهم ياجماعة قفلت مخي على بو يت وظيفة ههههه

لأن هالديوان التعبان صارلي سنة ونص مقدمة فية وتخصصي مطلوب بكل مكان اللي اهو ادخال البيانات

والشبكات وهاللوية هذي كلها....فنمت مبجر وهذي اول معجزة ! وقعدت امبجر والنفسية ولا احلى وكاشخة

ومظبطة اموري وطالعة امبجر جني رايحة حفلة تخرج لووووول المهم دشيت عالموظف يعني هذا ماادري

اي مسبة بالدنيا ماتوفيه حقة...من شفتة ومن اول ماقدمت ع الديوان وانا متشائمة من ويهه وكل ماشوفة ودي

اطقة..!! نسخة المحامي عادل اليحيى حتى الصوت..رفع ضغطي وصوتة عاالي جني ياية اطر منة.....

بصووووت عالي محد رشحج غير الوزارة الفلانية اللي رفضي ترشيحها من 7شهور!!!

بس ماكو شي بعد...نطري دورج

زين انا ليش رايحة ؟؟ لووووووووول لا جد والله ماستوعبت شسالفة او شسوي حزتها مادري وهذا صوتة

عالي وقرقة مايسكت...المهم صكت فيني الدنيا صج لان انا من تخرجت وانا بفراااغ موطبيعي جد لاعت جبدي

ماكو شغل نوم وقعدة وطلعات ويمعات لاعت جبدي كل اللي معاي توظفوا الا انا...مع ان التخصص مطلوب

وكل شي بس يمكن انا قبسة لوووول ... المهم بعد هالاحباط صكت فيني الدنيا حتى بيتنا كرهته هههههههههه

المهم رحت أسأل احد فية خير يفهمني شسوي اذا تأخر الدور واذا فية طريقة ثانية اقدر اقدم فيها ولا شنو

واشوة واحد يزاة الله خير قالي تاخذين كتاب وتروحين لااي وزارة تبينها وتقدمين وبعدين تيين اهني ونسجلج على طول

وانتي ان شاءالله ايلج الدور بسرعة وجذي يعني طمني شوي قال كلمة تسر الخاطر وفهمني شسوي وشماسوي

مو ذاك ابو الهول مالت علية وعلى نفسيتة حتى ماقالي شلون اتصرف بس طقطق بالانرنت وكر الحجي مالت علية وعلى ويه

لا والادهى من هذا وانا طالعة من الديوان لووووووول والله صج انا زين ماصار فيني شي تخيلوا يا الناس

مينونة او انا... اول شي جدامي سيارة طار صحن التايرمالها لووووووووول بعدها والله العظيم بخمس دقايق واحد د

قليل تربية حذف جيس فية زبالة اكل وانتوا بكرامة علبت الماكندونالز وهذيل فطاحت على جامتي وتطشرت زبالتة

شنووووووو بغييييييييييت امووووت اليوم؟؟؟ شفيها العالم لوووول

المهم رديت البيت وانا حالفة مااقعد اليوم لان لو قعدت بيصير فيني شي...فقلت اخذ اختي والوالدة ونروح نمشيها

عالبحر وجذي يعني..

لحد اهني وكفاية....

لان طفيت لوووووول وطفح الكيل البوست الياي اكمل لكم شصار عالبحر وشلقيت فية

بحفظ الله:)

أثنين في واحد !

السلاااااام ياحلوين

شلونكم عساكم بخير....

اليوم حبيت انزل بوست اكتب فية سالفتين بدال الوحدة لووووووول

1- اول شي من فترة من زمااااان يعني شهر جذي كنت طالعة واتصلت فيني اختي ايب لبنتها وجبة من برجر كينج مع اني ماحب هالمطعم اكلة ثقيل عالجبد..

المهم طلبت الوجبة ولا ششوف؟؟ عطاني هدية مو اتينن الا زوووووغة لوووووووووووول ادري بتضحكون علي بس والله تينن

بس البسها دراعة وملفع تصير حجية..أتووونس وحدها حلوة وسمرا وغريب شكلها لوول

فخشيتها وشريت لبنت اختي لعبة ثانية هههههه...

المهم من ذاك اليوم كل مابروح ايب وجبة وايب المجموعة الثانية انسى لان انا عندي هواية احب ايمع الالعاب الصغار اللي مثل هذيل جذي

واللي بككاو كيندر اذا تتذكرونة..

المهم شوفوا الحجية معااااي بذمتكم مو تقط الطير من السما.؟:P
:

:

:

:

من فترة و أنا افكر اغير جهازي وبما إني من عشاق السوني اريسكون..

رحت الغانم واحترت بجهازين كل واحد احلى من الثاني:(

الاول هابين فية هبة بس ازرتة مو شي والمنيو بعد! بس شكلة حلو

وهذا وايد حلو وعملي وراقي وذرب شكلة من برا وداخل ولونة غريب..!!

أحد استخدم واحد فيهم..؟

وشرايكم اي واحد احلى قبل لااروح اخذ لوووول

خالد عبدالجليل....جليل!!

منو مايشوف فقرة المحامي خالد عبدالجليل؟؟
نص الكويت اتشوفها ..هذا غير الناس اللي برا...المحامي خالد مرات يقدم قضايا..
الحين قضية الحجاج شكثر مر عليها؟؟ ليش نعيد ونزيد؟؟+قضايا الجنوس
اللي بصرااحة اشك...الحين ريال جنس يروح ويقول صوروني ويتحجى جذي؟
احس مرات يبي يتغافل الناس ولا وين قاعدين؟؟شيبي يقولون علينا اللي برا
وقضية ام علي اللي طاردينها عيالها وعايشة بالشارع سنتين!!
اشدعوووووة هنود احنا؟
بس للأمانة قليل مرات يقدم شي يعني نقدر نقول يلا اوكي ناقش شي فتح موضوع
مثل سالفة الله ياخذهم التأبين والهمج اللي فية..
اما الشي اللي صج يفشل..
طريقة كلامة...والمفردات الغريبة العجيبة مثل البني..افطنوا..القطو صار كطو
وكلنالكم..+ كلام او طريقة كلام العيايز اللي خبركم...
صلعتي؟؟ تفوووووعند الله السعة!! شسالفة حجية؟ابنياتناااا
بصراحة انا مصدوومة واايد يعني انا اذكر قبل سنتين اخذت ميداني وقابلتة وقعدت معاه
وجذي والله ماكان بهالخلقة وبهالاسلوب ولا صوتة كان جذي..
شنو اللي قلبة فوق تحت...هل هذي سياسة جذب المشاهدين؟ .. او شنوو
بصراحة كنت وااايد احترمة بس وااايد قام يخورها....
انتوا شرااااايكم؟

كان..عندي مدونة مثل القمر!!:(

أخييييييييييييييييية على مدونتي اللي راحت:(:(:(

سامحوني عالتحلطم..

بس كانت عندي مدونة تعبت فيها وايد..وكتبت فيها وايد.. وتعرفت فيها على نا س وايد

اللي قاهرني انها انباقت مني:(..

واللي قاهرني اكثر اشوف الكومنت وماقدر اسوي شي والناس عبالهم انا حاقرتهم وماأستحي على ويهي:(

بعرف شغلة وحدة..

شنو الفايدة من سرقة بلوق! ليش يعني؟ شنو الفايدة؟ كاهي مثل ما أهي... يعني السالفة قهر ولا عناد ولا شنو؟

عموما انا متفائلة وااااااايد بمدونتي اليديدة وان شاءالله تكون وش السعد علي:p

مصافحة بعبير الورود..

مـــســاء الـــخـــيـــر

أتمنى أكون صديقة للجميع..

أهني حطيت رحالي..واتمنى أكسب محبتكم واعجابكم

بمدونتي..

ماحب أكثر بالكلام..مع الايام بتتعرفون علي اكثر...

إذن إنطلقنا بإن الله ....