شلونكم عساكم بخير....
اليوم حبيت انزل بوست اكتب فية سالفتين بدال الوحدة لووووووول
1- اول شي من فترة من زمااااان يعني شهر جذي كنت طالعة واتصلت فيني اختي ايب لبنتها وجبة من برجر كينج مع اني ماحب هالمطعم اكلة ثقيل عالجبد..
المهم طلبت الوجبة ولا ششوف؟؟ عطاني هدية مو اتينن الا زوووووغة لوووووووووووول ادري بتضحكون علي بس والله تينن
بس البسها دراعة وملفع تصير حجية..أتووونس وحدها حلوة وسمرا وغريب شكلها لوول
فخشيتها وشريت لبنت اختي لعبة ثانية هههههه...
المهم من ذاك اليوم كل مابروح ايب وجبة وايب المجموعة الثانية انسى لان انا عندي هواية احب ايمع الالعاب الصغار اللي مثل هذيل جذي
واللي بككاو كيندر اذا تتذكرونة..
المهم شوفوا الحجية معااااي بذمتكم مو تقط الطير من السما.؟:P
:
:
:
:
:
من فترة و أنا افكر اغير جهازي وبما إني من عشاق السوني اريسكون..
رحت الغانم واحترت بجهازين كل واحد احلى من الثاني:(
الاول هابين فية هبة بس ازرتة مو شي والمنيو بعد! بس شكلة حلو
وهذا وايد حلو وعملي وراقي وذرب شكلة من برا وداخل ولونة غريب..!!
أحد استخدم واحد فيهم..؟
وشرايكم اي واحد احلى قبل لااروح اخذ لوووول
هناك 15 تعليقًا:
صباح الورد والحب :)
لووووووول
يحليلج بدعتي
انا قبل كان عندي هالهواية بس الحين خلاص تخليت عنها
:)
من ناحية التلفون
انا ماجربت بس اشوف الثاني احلى :)
لأن الأول شكل ازراره يتعبون
واذا جربتي قوليلي حتى انا قاعدة افكر :)
مساج الله بالخير
امبييييه اللعبه صج تشووووق
ما احب بيرقركنق بس ابيها
:(
اما بالنسبه للتلفونات فانا ارشح الثاني كشكل احلى
و الاول هافي ديوتي
:)
Najmah
ياصبااح الورود والمحبة كلها
ياهلا ومرحبا...
هههههه والله جد نجومة ايهبلون وهذي بالذات شكلها يونس جنها صجية..
وبالنسبة للتفلون هم انا محتارة وعاجبني الثاني لان شفتة بالطبيعة شكلة حلو ونعووم وحدة خفيف..
خلاص انا اخذة واقولج لوووووول
darkness
مساء الغلا والمعزة يااحلة بنوتة
لووووول ماتغلى عليج والله
وكلح ذووق هم انا عاجبني الثاني:)
نورتيني يالغالية
قوة وردة حبي
شلونج ... عساج طيبة
بالنسبة للوجبات السريعة آنا محاربتها ومخاصمتها من زمان
حتى البيبسي قطعته لأن مضر
الأكل الطبيعي أحلى
إلا عاد إذا الواحد بيشكل مرات معدودة عالأصابع للتنويع
لكن آنا لا يمكن آكل وجبات سريعة آنا مقاطعتها للأبد .. والحمدلله ارتحت عقبها
لالالالالالالا لحظة صبر
أنصحج نصيحة
للأمانة لا تاخذين السوني أريكسون
أي نعم شكله حلو .. وصوته رائع بس يعور الإذن والمنيو مالته جنها بلي ستيشن الأولية السيقا على ما أظن
شريت ثلاث موديلات وبكل مرة ثاني يوم أبدله
خليج عالنوكيا أحسن حق الإستعمال
سهل .. خفيف .. ما يعلق والأهم من جذيه بطاريته ما تخلص بسرعة
يوم استعملت الأريكسون تصدقين يا وردة حبي .. أشحن من اليل ليه الصبح .. العصر رايحة شرطة من شرطات البطارية
يعني جهاز جاهز للوهقة .. يوهق
لنفرض .. شي عاجل .. أو ظرف طارئ والبطارية مخلصة ... ششننننسوي؟؟؟
نوكيا يحيا نوكيا
Almas
ياهلا وغلااااا
هلا بالالمااسة
والله صج انج الماسة
لاااااااااا عاااااد انا انصاار السوني اريكسون لوووووووول
اموت علية من داخل ومن برا
وبخصوص الشحن والله ماادري انا السوني اريكسون يقعد معاي اربع ايام بدون شحن عادي! عكس النوكيا بسرعة يخلص
عاد لاتحسفيني توني شريتة هههههههه
وبخصوص الوجبات
اي والله معاج حق بس اليهال شيسكتهم ايموتون عالوجبات والمطاعم
ولا يالله من فضلك..
وعساااج دووم مرتااحة ان شاءالله
نورتيني ياعسوولة
نوكيا وبس والباجي كله خس
افاااااااااا
هههههههههههههههه
يلا مو مشكلة بس جربوا السوني اريكسون تدعون لي:p
اخذي الذهبي
THE 2ND ONE
وقولي لي جم سعره عشان اخذلي انا بعد
:))
يامساء الورود يا مساء الدرر
هااااي حب
شخبارج يا احلي ورده ؛؛
ادري انا شوي متاخره!! ولا يمكن بعد شريتي الجهاز بس انا برايي اخذي الموبايل2 شكله اسهل وحلو بعد
واذا انشالله خذيتي الجهاز وعجبج قولي لي شكله عجبني وبقلدج اذا ما في مانع يا حب
وتحياتي من قلب
MANAF
سعرة165
بس الله يعين اصابعك عالارقام لووووول
صبا
مسااء الشوق والرقة
والله كنت اترقب زيارتج يااحلى واغلى صبا
لووووووووووول اخذتةةةة الثاني يلااا عيل اخذة خنصير طقم لوووول
اتشرف ياقلبي
ونورتيني بزيارتج الحلوة مثلج
آخر واحد
ووايد حبيت مدونتج يالبنوتة ياللي تحبين الناس
:D
لول الهابي فيس طلع مقلوب
D:
وجان زين ياخيتي تشيلين خاصية تأكيد الكلمة لأن عويناتي بيحوشها حول
p:
ezain_kilah
لووووول ياهلا وغلاااااا
والله اتشرف ياقلبي بتنورينها
واييييي على طاري التلفوون شريت خلاص
نطري البوست الياي بوريكم اياه
ومن عيوووووووووني يالغالية ماطلبتي شي شلتها
وترى والله انا مااعرف يعني اهي موجودة مو عن قصد بالعكس والله اتشرف بالتعليقات الحلوة
ونورتيني وتعااااالي كل يووم انطررج
:)
إرسال تعليق