وقفت تنتظر الحافلة في نهار رمادي ماطر , حشرت نفسها وصعدت مع جموع المنتظرين,
الحركة المتقطعة للحافلة عثرت خطواتها اثقلها التجوال الطويل في السوق...تماسكت قليلا
بعد ان قذفت بالعملات المعدنية الى يد السائق..دخلت فبحثت بعينيها عن مكان لتجلس فما
وجدت, زمت شفتيها منزعجة..ناداها أحدهم وبشيء من الحذر : "لوسمحتي"؟..مستغربة
استقبلت لهجتها في وسط شارع أكسفورد استدارت ناحية الصوت التقت عينيهما بهتت
اللحظات غير مصدقة..ارتسمت علامات الدهشة على ملامحها... دون وعي
همست"مومعقول"!!
وهو .. حذراً بلع ريقة...يشبه ابتسامة نهض واقفاً نصف وقفة..أضاف وهو يشير الى
المقعد الشاغر بجانبه :إذا تحبين تقعدين,تفضلي"...همست هي لنفسها:"معقولة اشوفة
أهني؟؟" ودون تفكير منها استجابت لعرضة"المغري"وسمحت لنفسها بالجلوس... كان
نصار زميل الجامعة..عرفته جيدا تمنتة كثيرا..تلذذت بنظرات باهته نادرا ماكان يرميها
بها..حاولت استمالته بشتى الوسائل البريئة...كانت تراه يوميا..تصادفة في اروقة الكلية
لكنها عجزت حتى عن لفت نظره اليها..تحسة بعيدا عنها ومشغولا بامورة
الخاصة..استخدمت كل الطرق للوصول الى عالمة..التحقت بالعمل النقابي, انضمت الى
قائمته نددت بالقوائم المنافسة لأجله,سجلت في محاضرات بأوقات معينة كان د اختارها
حلمت بة لليال طويلة..الآن وفي بلاد الغرب الى جانبه جلست مذهولة وتساؤل فرض
نفسة:"هل يتذكرها"؟...مبتسما سأل" من متى انتي بلندن؟.... جاوبتة" من ثلاث اسابيع"
نقل بصره الى الشارع عبر الشباك تأملته خفية.... رددت بداخلها"نصار...ياأقرب
بعيد...اي مصادفة هذي اللي حذفتك علي.....الحافلة كانت توقفت بمحطات عديدة صعد
ونزل من نزل وجوة تغيرت واماكن فرغت من ركابها واصوات تفاوتت مستويات احاديثها
مابين همس وصراخ..وحدهما بقيا متجاورين
تجرأت أكثر طرحت موضوعا للحديث... " المطر وايد اليوم علشان جذي ركبت
بالمواصلات ولا انا تعودت امشي للفندق" بعد لحظات رد" و..وين تسكنين؟...ردت"نايتس
بريدج"قذفت قبل ان ينهي سؤاله.... طاف جوابها دون ان يترك أثرا فية..هكذا
شعرت...بلعت ضيقها وابتسمت بحرج...حملق عبر النافذة شارد الذهن,, حركت الاكياس
التي اصدرت صوتا بين يديها..تنبه, نظر اليها.. أكملت حديثها بفرح:" ييت مع الوالدة
واختي الكبيرة لانها بتتزوج عقب شهرين واصرت ان نجهز للعرس من
اهني:)...وانت؟ياي ابروحك؟"
تنهد واجاب بصوت لايخلو من من الأسى"لا موياي بروحي.. بس يمكن ارد بروحي:
(...الله العالم
لحظات من الصمت نظرت الية بإستفهام...صمت قليلا..أضاف وهو يركز نظرة إلى
الشارع عبر الشباك:" انا ياي مع زوجتي المريضة صارلها4شهورتعالج علاج كيميائي
دقيق اهني وحالتها الصحية كل يوم أسوأ من اللي قبلة وانا خايف افقدها..اذا فقدتها بفقد
روحي وعمري وحياتي كلها" دمعت عيناه بهدوء...حاول مداراه المة...لم يتمالك نفسة
فأجهش بالبكاء..وحين هدأ التفت ناحيتها فلم يجدها بجانبه!
هناك 20 تعليقًا:
عوار قلب
اندمجت حيـــــــــــل
كل واحد يشوف الحياة بعيونه
اهوا همه الشاغل مرته
واهى استغربت اللقى ..و حبت تترك لو اثر ..
وللاسف اهوا مو بحاجة لاثرها ..
بالنهاية صارت رغبة منها بالخفى ما لها الاثر
بس .. خلصت القصة
وايد اثرت فيني دمعة
واااااااااااااااااااااااي
ياقلبي عور قلبي اهو
اهي عورت قلبي
والله مادري منو عور قلب اكثر والله موتيني من البجي توني يايه من بلوق باجيه بجي و اي اهنيي
امبي لا وااي قلبي من صج يعورني صج شي حسيته بكل كلمه كل حرف عشته
:'(((
والله مادري شقول بس من صج دموعي تشهد انه انتي فنانه من قلب و القصه اذا واقع لله يصبر و اذا خيااال مابي اعيش هالخيال مره ثانيه لانه جرح قلبي
سعور انه تففقدين احد تحبينه و عايشه علشانه كل اقولهم ابيكم انتو تودعوني مابي انا اقعد اودع احد
و الحب البعيد اه على الحب البعيد جرح عمره ما يلتأم حتى لووو طال الوقت يضل موجود
يعورج
تسلمين يالغاليه
salamz sis,,,
افا ليش ؟ كنت حابه اعرف ردها عليه
لوول مسكينه طلع متزوج
في تكمله ولا لا؟
:)
ابدعتي خليتيني اعيش واحس القصه عن قرب كلام جميل وشعور واحساس مؤلم
قصه جميله ابدعت في سردها يا احلي ورده
يا سلام عليج دائما متميزه بقلمك الرائع
لك من الف تحيه
مسكيييييييينه .. :(
عورتي قلبييييييييي ..
هذي مشكلة الحب من طرف واحد ..
يعطيج العافيه حبوبه على القصه المؤثره ..
والاسلوب الحلووووو ..
لا تطولين علينا ترى هالايام صاير وايد تغطين ..
لايكون توظفتي !!
لووووووووووووول ..
تقبلي مروري ..
kuwait
عوار قلب
`~MnO YeNSa! ~`
لوووول اسمالله على قلبج
هذي الدنيا تجري السفن بما لاتشتهي الرياح:(
نورتي حبيبتي
5roofa
وي وي وي اسماللله علييييييييج وعلى قلبببببببببج
يبا شنسوي تعلمنا منج لووول كل مرة تبجيناا لازم نردها لج:p
لووووووول اسمالله عليج يالغااالية نورتينا كالعااااااااااادة
Selezya
اهي هم انصدمت ورااحت
لوووول لاخلصت الياي احلى ان شاءالله
نورتيييييييني ولاتقاااطعييين
صبا
حلت دنياااج يااحلى صبوووءه
والله انتي لمميزة بزياراتج الحلوة
بس موتقااطعييين
Kuwait
لووووووووووووووووووووووول
من بؤك لباااااب السماااا
بس شسوي ياوخيتي ماعندي شي اكتبة:p
بس ولايهمج بلوع جبودكم ببوستات
نورتيني ياااعسسسسسسل
حسافتج ياكويت
حدة:(
نورت
ee walla 5osh shay efare7 wa 7azen eb nafs el wagt
ويه واعليه
خنت حيلي عليهم اثنينهم و كل من بقلبه شقا اللي له
الله يرحم حالهم اثنينهم
و مشكورة على القصة
نبي بعد اذا ما عليج امر
: )
loco
بس النهاية ماكانت مفرحة:p
سدرة العشـــاق
العفووو حبيبتي
ماطلبتي شي عيوووني
منورتني
:"(
ليش جذي
عورتي قلبي
يعني اهو ما يشوف بالدنيا غير مرته
و اهي لما لقته بس تبيه يظل ذاكرها مع انه هالذكرى راح تعذبه
:(
واااي ليش جذي
وردة امبييييي البلوق يهبل يهبل من صججج
وااي غصت بالبحر يهبل عليج بالعافيه مشالله مشالله
D:
salamz sis...
وردة امبييييي البلوق يهبل يهبل من صججج
وااي غصت بالبحر يهبل عليج بالعافيه مشالله مشالله
D:
salamz sis...
حلفييييييي خروووف حلوو؟
لاعت جبدي امس وانا ابدل فيهم
ذاك الخط فية صغير مايبين
وهذا لما ركبتة طارت القوائم والساعة ههههههههههه
يعاافيج بعد قلبي والله
إرسال تعليق