طقتين بالراس...تبطة!

صارلي يومين راسي يبي او انفجر خلاص...

عندي مشكلة بالصداقة.....كل اللي اختارهم او الدنيا تفرضهم علي يطلعون من أنجس وأقذر واتفه خلق الله

وهالشي تعودت علية..تعود عالطعن بالظهر تعودت عالحقد منهم اعطيهم عيوني والقى قفاهم بويهي... صارت عندي مناعة

ماقام يأثر فيني نوع الجناية كثر ماكان يأثر فيني قوة عينهم وكثر ما أثر فيني السبب اللي تعبت وانا ادوره ليش؟ منو الغلطان؟

العيب من منة؟

العيب منهم مو مني...اقولها وبكل ثقة نعم لاني اتعامل بأصلي وبأخلاقي بس اهم مايستحون...

كانت لي صديقة كنت اعتبرها اخت وهي بعد..صارلنا سنة ونص طبعا احنا مانتكلم باسرارنا لبعض وهذا نتااج خبرة خايسة بصداقات خايسة الاخيرة الله واعلم بنيتها شنو لكن مرة اهديتها علبة ككاو كبيرة اتصلت علي بنفس اليوم جان تقولي اينن والبيت ين علية بس اختي قعدت تبجي تبي مثلة:(

اخذت الموضوع ضحك وجذي المهم مر اسبوع وعادتلي نفس الموضوع فأنا على بو غشمره قلت لها اي تستااهل خلاص المرة الياية بيبلها واطنشج لوووووول قالتلي اي والله اذبحتني بس تبجي مع ان اختها ام سنتين جيكوا..

بعد شهر اتصلت فيني جان تقولي انتي مرة قلتيلي بتيبين لها ككاو!!والله العظيم تخيلوا الجرأه انا عبالي تتغشمر قلت لها اي عفن الله يهداج هالكلام مر علية شهر لووول جان تقولي اي عادي ميخالف انقص عليها عشان تسكت!! شهالياهل اللي صارلها شهر تبجي على علبة ككاو قلتلها روحي الجمعية يبيلها ككاو لووول

يعني علبةوككاو كشخة وقاطة فيها 30 دينار اييبها حق ياهل؟ الحقيقة استغربت ونفس الشي طاحت من عيني يعني شسالفة ماكو اسلوب ارقى من جذي تكلمني فية؟ عالاقل قولي من وين مسويتة مو اشكره يبي لااختي جني اشتغل للعايلة الكريمة انا..

انا سكرت الموضوع واعتبرتة غشمره وطنشت اليوم اتصلت فيها معاها خط ثاني العادة اهي تتصل ولاتصبر يوم وااحد بدون مسج او تتصل تسال فبعد ربع ساعة اتصلت وماردت وقبل اليوم هم اتصلت فيها مرة او مرتين ولاردت فعرفت انها زعلانة على موضوع الككاو

لان بنت خالتي شايفتها وسلمت عليها من اسبوع تقريبا,, وقالتلهاشلون وردة ولاجني اتصل :p

يعني طالعوا الردى لوين وصل.. هالناس ماعليها حسوفة ولازعل بالطقاااق بس شوفوا موقهر؟؟ على ككاو؟ استغفرلله شي يغث

اللي فرحني وونوسني اليوم التقيت بصديقة غالية على قلبي صارلي 5 سنين تقريبا موشايفتها ولا مكلمتها ولاادري شنو السبب وليش افترقنا

وتبادلنا الارقام وردت المياة لمجاريها لوووول

فسبحان الله خسرتني وحدة وكسبت وحدة الله يعوض مايقصر:)

انا أقـــــول من هالمكان والله العظيم لحد يزعل لو قابل صديق ردي هالايام لان هالصداقة الحين شي ناااادر

والاهم اسرارك لاتطلع برا عتبة باب بيتكم مهما كان السبب والله بعض اللي نعتقد انهم اصدقاء وهم اعداء يمسكون الاسرار معيارة او طنازة عليك

والله يقطع اللي ببالي لووووووووووووول والله كنت صج شوي منقهره لان محد يتخيل الموقف وبياختة حسافة الايام اللي مرت والغدا والعشا اللي على حسابي لوووووووووووووول..

عموما الله يحفظنا وياكم ياارب من هالفئة..

وانا حدي فاصلة والله مادري شخربط فمبر عليكم وشوف شكاتبين وشمسوين وبعدين انام أشوفكم بالحلم ان شاءالله وسامحونا عالبوست الغم:(

مع السلامة